Shymkentte ótken konsertinde áıgili ánshi Qaırat Nurtas óziniń syrt kıimin kishkentaı jankúıerine syılady. Mundaı syılyqty alǵan balanyń qýanyshynda shek joq ekendigin YouTube jelisine shyqqan beınejazbadan baıqaýǵa bolady. Bul týraly Qamshy.kz aqparat agenttigi jazady.

Belgili ánshi ádettegi dástúr boıynsha ózinniń bir zatyn halyqqa syılaýdy ádetke aınaldyrǵan. Bul joly syılyqqa ıe bolǵan kip-kishkentaı jankúıer ánshiniń bul áreketinen shattyqqa bólendi. Qatty qýanǵany sonshalyq, bala Qaırat Nurtasty bar yqylasymen qushaqtap aldy. Beınejazbaǵa qarasaq, kishkentaı jankúıer ánshiden mundaı syılyq kútpegen.

Jeli qoldanýshylary ánshiniń márttigine dán rıza. Beınejazba astyna jazylǵan jaqsy pikirler óte kóp, olar Qaırat Nurtas óte meıirimdi jáne jany jaqsylyqqa qumar adam dep jatyr.

Eske sala keteıik, Qaırat Nurtastyń óz kıimin jankúıerlerine berýi birinshi ret emes. Onyń aldynda ánshiniń kúrteshesi Semeıdiń erekshe turǵyny, arbaǵa tańylǵan jankúıerine tabystalǵan edi. Oǵan qosa, kúrtesheni ıelengen adamdar ony satylymǵa shyǵaryp jatqan kezder de bolǵan. Satyp alýshylardyń biri ony 560 myńǵa baǵalaǵan bolatyn. Al tamyz aıynda Qostanaıda ótken konsertte jurtqa laqtyrylǵan Qaırattyń kúrteshesin jınalǵandar jyrtyp tastaǵan edi.